Нодирбек Абдусатторов дунёнинг TOP-30 шахматчилари қаторига кирди
Яна 3 нафар шахматчи кучли юзталикдан жой олган.
FIDE сентябрь ойи учун рейтингини янгилади. Унга кўра, Нодирбек Абдусатторов 2713 очко билан 30-ўриндан жой эгаллаган.
У ўтган ойдаги рейтингда 64-ўринда эди. Бутунжаҳон шахмат олимпиадаси ва Туркия суперлигасидаги қимматли очколар шахматчига илк марта 2700+ даражага эришиш имконини берган.
Шунингдек, Ўзбекистондан яна 3 нафар шахматчи кучли юзталикдан ўрин олган. Булар Рустам Қосимжонов 2670 очко билан 72-ўринда, Нодирбек Якуббоев 2656 очко билан 89-ўринда, Жавоҳир Синдоров 2651 очко билан 92-ўринда бормоқда.
