Бугун, 13 ноябрь куни Болат Назарбоев 71 ёшида узоқ давом этган хасталикдан сўнг вафот этди.
"Қозоғистон Республикасининг Биринчи Президенти Нурсултон Назарбоевнинг укаси Болат Абишевич Назарбоев узоқ давом этган касалликдан сўнг вафот этди", — деб хабар берди Назарбоевнинг матбуот котиби Аидос Укибай.
2023 йилнинг 6 ноябрь куни Нурсултон Назарбоевнинг укаси реанимация бўлимида ётгани хабар қилинган эди.
Болат Назарбоев 1953 йил 23 мартда Олмаота вилояти, Қорасай тумани, Шамалган қишлоғида туғилган.
1997 йилдан бери у BN Invest холдингига раҳбарлик қилиб келган. 2016 йилда "Салиқалы урпақ" жамоат фондига асос солган. Шу йили у "Парасат" ордени билан тақдирланган.