Жаҳон

Францияда ўқувчилар намойиши: 164 киши ҳибсга олинди

28 сентябрь куни мамлакат бўйлаб норозилик акциялари қарийб 180 та мактабни қамраб олган.

Францияда ўқувчилар намойиши: 164 киши ҳибсга олинди

Франциянинг турли ҳудудларида, хусусан, Ил-де-Франс минтақасида юқори синф ўқувчилари таълим муассасаларидаги ресурслар ва ўқитувчилар етишмаслигига қарши норозилик намойишлари ўтказди. Намойишлар вақтида 164 киши ҳибсга олинган.

 

Франция ички ишлар вазири Лоран Нунеснинг маълум қилишича, намойишлар давомида 12 нафар юқори синф ўқувчиси, уч нафар мактаб директори, таълим муассасаларининг беш нафар ходими ҳамда 12 нафар ички хавфсизлик кучлари ходими жароҳатланган.

 

Нунеснинг сўзларига кўра, 28 сентябрь куни мамлакат бўйлаб норозилик акциялари қарийб 180 та мактабни қамраб олган. Улардан 27 таси тўлиқ блокланган. Айрим жойларда намойишчилар ва полиция ўртасида тўқнашувлар юз берган.

 

BFMTV телеканали хабарига кўра, норозиликлар 29 сентябрь куни ҳам давом этган. Парижда юқори синф ўқувчилари таълим муассасаларидаги мураккаб вазиятга эътибор қаратиш мақсадида намойиш ўтказган.

 

Лилл шаҳрида эса вазият кескинлашган. Бир гуруҳ намойишчилар Сезар Бажио номидаги мактабга куч билан киришга уринган. Шундан сўнг воқеа жойига ҳуқуқ-тартибот ходимлари юборилган. 

 

Намойишчиларнинг бир қисми полицияга тош ва бошқа буюмларни улоқтирган, шундан кейин ҳуқуқ-тартибот кучлари уларни тарқатишга киришган.

 

Норозилик акцияларига университет талабалари ҳам қўшила бошлаган. BFMTV маълумотига кўра, Лилл яқинидаги Вилнев-дъАск шаҳрида жойлашган Пон-де-Буа кампуси талабалар томонидан блокланган.

 

Тулуза шаҳридаги Пол Сабате университетида ҳам талабалар ўз талабларини илгари суриб, норозилик акцияси ўтказган.

Ғарбий Соҳилда исроиллик кўчманчилар ҳужуми: 12 та автомобиль ёқиб юборилди

Ғарбий Соҳилда исроиллик кўчманчилар ҳужуми: 12 та автомобиль ёқиб юборилди

Босиб олинган Ғарбий Соҳилдаги бир нечта Фаластин қишлоғида содир бўлган ҳужумлар Исроилда ҳам сиёсий баҳсларга сабаб бўлди.

Мексикада наркокартел раҳбарини қўлга олиш операцияси: 11 киши ҳалок бўлди

Мексикада наркокартел раҳбарини қўлга олиш операцияси: 11 киши ҳалок бўлди

АҚШ Меса Флоресни қўлга олишга ёрдам берадиган маълумот учун 5 миллион доллар мукофот ваъда қилган эди.

Ғазода озиқ-овқат тарқатаётган автомобилга Исроил дрони зарба берди: уч киши ҳалок бўлди

Ғазода озиқ-овқат тарқатаётган автомобилга Исроил дрони зарба берди: уч киши ҳалок бўлди

Автомобиль болаларга озиқ-овқат ва ичимлик тарқатиш учун тўхташга тайёрланаётган пайтда ракета билан урилгани айтилди.

Ҳормуз бўғозидаги ҳужумлар кучайди: Эрон иккита ракета учирувчи қурилмани намойиш этди

Ҳормуз бўғозидаги ҳужумлар кучайди: Эрон иккита ракета учирувчи қурилмани намойиш этди

Ракета қурилмаси намойиши АҚШнинг Эрон ракета дастурини йўқ қилгани ҳақидаги баёнотлари фонида амалга оширилди.

Ўйин саноатида рекорд: GTA VI илк кунидаёқ қарийб 4 миллиард доллар даромад келтирди

Ўйин саноатида рекорд: GTA VI илк кунидаёқ қарийб 4 миллиард доллар даромад келтирди

Бу кўрсаткич 2013 йилда чиқарилган GTA V’нинг дастлабки уч кунлик 1 миллиард долларлик натижасидан қарийб тўрт баравар юқори.

Европада антибиотикларга чидамли бактерия тарқалиши хавфи ошмоқда: ЖССТ огоҳлантирди

Европада антибиотикларга чидамли бактерия тарқалиши хавфи ошмоқда: ЖССТ огоҳлантирди

Klebsiella pneumoniae сабабли юзага келган қон инфекциялари 2019–2025 йилларда 72 фоизга ошди.

Трамп йил охиригача Украина бўйича тинчлик келишувига эришмоқчи — FT

Трамп йил охиригача Украина бўйича тинчлик келишувига эришмоқчи — FT

АҚШ демократлар Конгресс устидан назоратни қўлга киритишидан аввал Россия ва Украина ўртасида келишувга эришишга шошилмоқда.

Бир кечада 275 та Украина дрони йўқ қилинди — Россия Мудофаа вазирлиги

Бир кечада 275 та Украина дрони йўқ қилинди — Россия Мудофаа вазирлиги

Бир ҳафта давомида 6 808 та Украина дронини йўқ қилинган.