Уйга муҳтож она фарзандини сотди
Жиноят ишлари бўйича Пахтачи туман судида 6 яшар боласини 6 минг АҚШ долларига сотмоқчи бўлган аёл иши кўриб чиқилди. Бу ҳақда Самарқанд вилояти ИИБ матбуот хизмати хабар берди.
Фарзандини сотмоқчи бўлган аёл шартли равишда тадбирга жалб қилинган аёлдан 4 минг 400 АҚШ долларини олиб, фарзандини бераётган вақтида ҳуқуқни муҳофаза қилувчи орган ходимлари томонидан қўлга олинган. Суд аёлга Жиноят кодексининг 135-моддаси 3-қисми “а” банди ҳамда 57-моддасини қўллаб, 5 йил муддатга озодликдан маҳрум қилиш жазоси тайинланди. Вояга етмаган фарзанди Меҳрибонлик уйига топширилди.
Аввалроқ Навоийда фарзандини сотмоқчи бўлган ота-она ушлангани ҳамда Самарқандда 3 ёшли ўғлини сотмоқчи бўлган 19 ёшли қиз ва унинг онасига суд ҳукми ўқилгани ҳақида хабар берилганди.
Муножат Валиева
