Ўзбекистон гендер тенглик бўйича Марказий Осиёнинг етакчи марказига айланмоқда
Тошкентда Марказий Осиё давлатлари етакчи аёллари мулоқоти бўлиб ўтмоқда.
Бугун, 12 ноябрь куни Тошкентда Марказий Осиё давлатлари етакчи аёллари мулоқоти бўлиб ўтмоқда. Тадбир Пекин декларацияси ва Ҳаракатлар платформаси қабул қилинганининг 30 йиллиги муносабати билан ўтказилмоқда ва аёллар ҳуқуқлари ҳамда имкониятларини кенгайтиришга қаратилган янги йўналишларни белгилайди.
Ўзбекистон сўнгги йилларда амалга оширган кенг қамровли ислоҳотлар орқали минтақада гендер тенглик бўйича етакчи давлат сифатида танилди:
- 2030 йилга қадар гендер тенглик стратегияси қабул қилинди;
- Минглаб хотин-қизлар тадбиркорлик фаолиятига жалб қилинди;
- Олий таълимда қизлар учун квоталар кенгайтирилди;
- Зўравонликка қарши ҳуқуқий ҳимоя тизими мустаҳкамланди.
Тадбир якунида қабул қилинадиган Марказий Осиё аёллари Декларацияси минтақада гендер тенглик бўйича келгусидаги аниқ йўл харитасини белгилайди. Шу билан бирга, Ўзбекистон тадбир мезбони сифатида аёллар салоҳиятини қадрлайдиган ва уларга ишонадиган давлат сифатида намоён бўлмоқда.
