Ўзбекистондаги Озарбайжон Маданият марказида Наврўз байрами нишонланди
Тадбирда Озарбайжоннинг Ўзбекистондаги элчихонаси, Озарбайжон Маданият Маркази ходимлари, Ўзбекистон маданият, адабиёт ва санъат намояндалари, маҳаллий озарбайжонликлар, Тошкентдаги олий ўқув юрти ўқитувчи ва талабалари, журналистлар иштирок этди.
Ўзбекистондаги Ҳайдар Алиев номидаги Озарбайжон Маданият Марказида Наврўз байрами муносабати билан байрам тадбири бўлиб ўтди.
Тадбирда Озарбайжоннинг Ўзбекистондаги элчихонаси, Озарбайжон Маданият Маркази ходимлари, Ўзбекистон маданият, адабиёт ва санъат намояндалари, маҳаллий озарбайжонликлар, Тошкентдаги олий ўқув юрти ўқитувчи ва талабалари, журналистлар иштирок этди.
Озарбайжон Маданият маркази фойесида ташкил этилган “Баҳор нафасли Наврўз” номли кўргазмада Наврўз байрами, Озарбайжоннинг мафтункор табиати акс этган фотосуратлар, шунингдек, Ҳайдар Алиевнинг ҳаёти ва ижоди, Озарбайжон Президенти Илҳом Алиевнинг иқтисодий ислоҳотлари ва миллий маданиятимизга оид сувенирлар намойиш этилди. Иштирокчилар Наврўзга оид байрам таомлар, ширинликлар, шакарбура, пахлава билан меҳмон қилинди.
Аввало, тадбир иштирокчиларини Наврўз байрами Озарбайжон Республикасининг Ўзбекистон Республикасидаги элчиси Ҳусайн Гулиев муборакбод этиб, миллий байрамимиз ҳисобланган Наврўз Озарбайжонда, Ўзбекистонда, шунингдек, туркий дунё мамлакатларида нишонланиши, умумий байрам тил, дин, анъана, маданият, урф-одатлар каби халқларимизни бирлаштиришини, мамлакатларимиз ўртасидаги дипломатик алоқаларнинг кенгайиб бораётгани қардош халқлар ўртасидаги муносабатларга ҳам ижобий таъсир кўрсатаётганини қайд этди.
Ўзбекистон-Озарбайжон Дўстлик Жамияти Ижрочи директори, профессор Эркин Нуриддинов қардош халқларнинг азалий қадрияти бўлган Наврўз айёми билан қутлар экан, ушбу миллий байрамнинг биргаликда нишонланиши тарихий маданий илдизларимиз нақадар яқин эканининг яна бир ёрқин ифодаси эканига урғу қаратди.
Байрам табрикларидан сўнг, Озарбайжонда Наврўз байрамини нишонлаш акс эттирилган фильм намойиш этилди.
Тадбирнинг бадиий қисмида Озарбайжон Маданият маркази тасарруфидаги “Хизмат кўрсатган артист Кайкеп Алиева номидаги Озарбайжон қизлари” рақс ансамбли иштирокчилари томонидан миллий ҳамда баҳорий рақслар тақдим этилди. Шунингдек, озарбайжонлик ижрочилар Воҳид Алиев ва Фотима Искандарова, халқаро мукофотлар совриндори Сарвиноз Камалова томонидан озарбайжон ва ўзбек қўшиқлари ижро этилди.
