Эркаклар ўртасида S13 классида 100 метр масофага баттерфлай усулида сузиш бўйича саралаш баҳслари якунланди. Ушбу масофада стартга чиққан ўзбекистонлик спортчилар — Музаффар Турсунхўжаев ҳамда Кирил Панков саралашни муваффақиятли ўтказиб, финал йўлланмасига эга бўлди. Ислам Асланов эса ўз гуруҳида 6-ўринни эгаллади.
Аёллар ўртасида айнан шу классда 100 метр масофага баттерфлай усулида сузиш бўйича саралаш баҳслари ўз ниҳоясига етди. Ушбу дастурда Муслима Одилова ҳамда Шохсанам Тошпўлатова 2- ва 3-ўринларни эгаллаб, ҳал қилувчи финал баҳсига йўл олди.
Ушбу йўналишда финал баҳслари бугун, Тошкент вақти билан соат 23:09 да бошланади.