Мажбурий ижро бюроси Қорақалпоғистон Республикаси бошқармаси иш юритувида мавжуд бўлган, Фуқаролик ишлари бўйича Нукус туманлараро судининг 2024 йил 23-май кунги ижро ҳужжатига асосан қарздор Н.Б.дан ундирувчи АТБ “Капиталбанк” Нукус филиали фойдасига 118 млн сўм кредит қарзини ундириш белгиланган.
Ижро ҳаракатлари давомида қарздорнинг номида “Lacetti” русумли автотранспорт воситаси мавжудлиги аниқланиб, уни хатловга олиш мақсадида қарздор жойлашган манзилга бир неча маротаба борилганида, мулк ушбу манзилда бўлмаганлиги сабабли унга нисбатан қидирув эълон қилинган.
Бўлим инспектори Ш.Ималатдинов томонидан Бюронинг Чимбой туман бўлими давлат ижрочиси билан биргаликда олиб борилган ҳаракатлар натижасида қарздорга тегишли бўлган автомашина Чимбой туманида жойлашган масжид ёнидан топилган.
Қарздор томонидан кўрсатилган қаршиликларга қарамасдан автомашина жарима майдончасига қўйилган ва жорий йилнинг 24-ноябрь куни электрон онлайн-аукцион савдо майдончаси орқали сотувга чиқарилган.