Тожикистондаги Роғун гидроэлектр станциясида (ГEС) фавқулодда ҳодиса юз берди. Авария оқибатида уч киши ҳалок бўлди, бир киши жароҳатланди. Ҳодиса 12 ноябрь куни Роғун ГEС қурилиш майдончасида содир бўлган. Ҳалок бўлганлар ГEС объектларидан бирида ишлаган "Хокруд" компанияси ходимлари бўлган. 39, 40 ва 51 ёшли эркаклар ҳалок бўлган. Ҳозирча айнан нима бўлгани маълум эмас.
Тармоқларда тарқалган, расман тасдиқланмаган хабарларга кўра, ишчилар устига «платформа» тушиб кетган. Бу эса уч кишининг ўлимига сабаб бўлган. Ҳолат юзасидан махсус ишчи гуруҳ тузилиб, тергов ҳаракатлари бошланган. Станция қурилишида аввал ҳам бахтсиз ҳодисалар кузатилган.
2019 ва 2020 йилларда “аср қурилиш майдончаси”да 20 дан ортиқ одам ҳалок бўлган. Бироқ Роғун ГEСи масъулларидан ҳеч ким жавобагарликка тортилмаган, дейилади хабарда.