Россияда саратонга қарши вакцина синовдан ўтказилмоқда
Ҳозирда иштирокчилар танлаб олинмоқда.
Россия Соғлиқни сақлаш вазирлигининг Миллий тиббий тадқиқот маркази (NМIS) саратонга қарши биринчи маҳаллий вакцинани синовдан ўтказиш учун иштирокчиларни жалб қилишни бошлади. Бу ҳақида "Агентство городских новостей Москва" нашри хабар бермоқда.
Хабарда қайд этилишича, синовда иштирок этиш учун фақат илгари барча мавжуд йўналишлар ва терапия усулларини тугатган беморлар танланади. Номзодлар 18 ёшдан 75 ёшгача бўлиши лозим.
"ЭнтероМикс" инсон учун хавфсиз, аммо саратон ҳужайраларини йўқ қилиш қобилиятига эга. У Россия ССВ Радиология илмий изланишлар тиббий маркази томонидан тўрт турдаги вирус асосида ишлаб чиқилган.
