Россияда сунъий йўлдошлар махфий объектни аниқлади
Иншоот 12 та футбол майдонига тенг.
Яқинда олинган сунъий йўлдош тасвирлари Россиянинг Калининград вилоятида ноодатий шаклдаги улкан иншоотни кўрсатган. Деярли 1200 метр диаметрга эга бўлган бу ғалати доира 12 та футбол майдонига тенг.
Кўплаб таҳлилчилар ушбу тузилмани “Калининград маҳлуқи” деб аташмоқда. Сабаби — унинг шакли ва жойлашуви табиий ҳодисага эмас, балки инсон қўли билан яратилган махфий объектга ўхшайди. Айрим тахминларга кўра, бу ҳарбий мақсадлар учун ишлатиладиган янги турдаги инфратузилма, бошқалар эса уни илмий тажриба ҳудуди ёки радиоэлектрон қурилма деб тахмин қилишмоқда.
Ҳозирча расмий изоҳ берилмаган, аммо глобал разведка ва таҳлил марказлари ушбу объектни диққат билан ўрганишни бошлаб юборган. Доира маркази ва атрофи кучли қўриқланаётгани сунъий йўлдошлар орқали ҳам кўзга ташланмоқда.
