Самарқандда 11 ёшли қизни Дамас босиб кетди
Қизнинг бир оёғи кесиб ташлангани айтилмоқда.
Самарқанд вилоятининг Пастдарғом туманида 11 ёшли қизни Damas уриб юборди. Ҳолат юзасидан вилоят ИИБ ЙҲХБ маълумот берди.
Ҳолат 31 март куни соат 11:30 лар атрофида Пастдарғом тумани Болтали маҳалласи ҳудудидан ўтувчи 4Р-46 автомобиль йўлининг 14-километрида юз берган. Унда Damas ҳайдовчиси пиёдалар ўтиш жойидан йўлнинг чап томонидан ўнг томонига кесиб ўтаётган вояга етмаган қизни уриб юборган. Оқибатда пиёда олган тан жароҳатлари билан РШТЁИМ Самарқанд филиалида стационар тартибда даволанмоқда.
Мазкур ҳолат юзасидан ЖКнинг 266- моддаси 1-қисми билан жиноят иши қўзғатилиб, суриштирув ҳаракатлари олиб борилмоқда.
