Самарқандда ҳаракатланиб кетаётган Маtiz ёниб кетди .Бу ҳақида вилоят ИИБ ЖХХ ЙҲХБ матбуот хизмати хабар берди.
Қайд этилишича, 12 июль куни соат 16:28 да Самарқанд туманида ҳаракатланиб кетаётган фуқаро Ж.О бошқарувида бўлган Маtiz ҳамда йўл ёқасидаги фермер хўжалигига қарашли сомон қолдиқлар мавжуд майдонда ёнғин содир бўлганлиги ҳақида вилоят ФВБга хабар берилган.
Хабарга кўра, воқеа жойига 2 та ёнғин-қутқарув экипажи соат 16:37 да етиб бориб, ёнғин соат 17:18 да ўчирилган.
Ҳодиса оқибатида тан жароҳати олган ва ҳалок бўлганлар йўқ. Ҳозирда ҳолат юзасидан терговга қадар текшириш ишлари олиб борилмоқда.