Самарқанддаги қабристонда ёнғин чиқди
Ҳолат бўйича вилоят ФВБ маълумот берди.
Бугун, 8 июнь куни Самарқанд вилоятининг Оқдарё туманидаги қабристонда ёнғин юз берди. Ҳолат юзасидан вилоят ФВБ маълумот берди.
Қайд этилишича, соат 15:01 да “Мустақиллик” маҳалласида жойлашган “Қанғли” қабристонида ёнғин содир бўлаётганлиги ҳақида туман ФВБга хабар келиб тушган. Шунга кўра, 2 та ёнғин-қутқарув экипажи соат 15:05 да воқеа жойига етиб бориб, ёнғин соат 15:28 да бартараф этилган.
Ҳодиса оқибатида ҳеч ким тан жароҳати олмаган. Қабристоннинг тахминан 4 сотих майдонида қуруқ ўт ёнган. Ҳозирда ёнғин сабаби ва моддий зарар миқдори аниқланмоқда.
Эслатиб ўтамиз, бундан олдин Самарқанд шаҳридаги 2 та МЧЖ биносида ёнғин чиққанди. Оқибатда тахминан 200 квадтар метр майдонда бинонинг томи ва шифт қисми ёниб зарарланган.
