Ниҳоят терма жамоалар иштирокидаги ўйинлар тугади. Клублар футболи қайтмоқда ва олдинда бизни қатор қизиқарли ўйинлар кутиб турибди. Энг қизиқарли учрашувлар ҳақидаги маълумотларни қуйида билиб олишингиз мумкин.
"Милан" — "Ювентус"
"Милан" - "Ювентус" нафақат Италияда, балки бутун дунёдаги асосий рақобатларчилардан биридир. Клублар қандай ҳолатда эканлиги, улар қайси ўринни эгаллаши ва ўйинчиларнинг қандай мақомга эга эканлиги муҳим эмас. "Юве" – фаворит: у пешқадам "Наполи"дан атиги икки очко ортда қолмоқда ва чемпионатда мағлуб бўлмаган. Аммо "Милан" аутсайдерлар қаторига тушиб кетган. "Қизил-қоралар" Мадридда "Реал"ни ишончли тарзда мағлуб этганди. Балки испан грандининг тақдири энди "оқ-қоралар"нинг бошига тушар. Барчасини биргаликда кузатамиз.
"Манчестер Сити" — "Тоттенҳем"
"Манчестер Сити" кетма-кет тўртта ўйинда мағлуб бўлди. Мазкур церийани эса айнан "Тоттенҳем" бошлаб берганди. "Шпорлар" Лига кубогида Пеп Гвардиола жамоасини мағлуб этишганди. Ўшанда майдонда Симпсон-Пузи, ЎРейли ва Макати каби футболчилар бор эди. Иккинчидан, мезбонлар ҳам аралаш таркибга эга эди. Агар амалдаги чемпион чемпионлик мақомини сақлаб қолишни режалаштирса, мағлуб бўлишга ҳаққи йўқ. Акс ҳолда "Ливерпул" яққол пешқадамга айланади.
"Арсенал" — “Ноттингем Форест”
Август ойи бошида ким 12-турда "Арсенал" ва “Ноттингем Форест” бир хил миқдордаги очко тўплашини айтган бўлса, айни ҳақиқатни айган бўларди. Ёки ўша вақтда жуда ҳам шарманда бўлар эди. Аммо лондонликлар муваффақиятсизликка учрашда давом этмоқда. Олдинги икки мавсумда “Ноттингем Форест” чемпионатда омон қолиш учун курашган. Ҳозирда жамоа кучли бешликда бормоқда. "Канонирлар" эса яна чемпионлик пойгасига қайтишлари учун мазкур баҳсда ғалаба қозонишлари шарт ҳисобланади.
"Ливерпул" — "Саутгемптон"
"Ливерпул" "Сити"нинг вақтинчалик муваффақиятсизликларидан фойдаланмоқда. Жамоа аллақачон рақибларидан беш очкога олдинга ўтиб олишди. Бундан ташқари, ушбу турда "Сити" "Тоттенҳем" билан тўқнаш келади. Арне Слот жамоаси эса ҳозирда Премьер-лиганинг энг заиф жамоасига сафар қилади. Нафақат пешқадамликни сақлаб қолиш, балки фарқни ошириш учун ҳам катта имконият бор.
"Реал Мадрид" — "Леганес"
Бу мавсумда "Реал Мадрид"дан нима кутиш кераклиги умуман номаълум. Ноябрь ойида "Лас-Пальмас" ва "Малёрка" билан дуранг, ундан аввалроқ "Барса"га ва Чемпионлар лигасида иккита мағлубият сабаб жамоа бир қатор танқидларга сабаб бўлди. Ҳатто Мбаппенинг трансфери ҳам ҳали унчалик ёрдам бермади. Дунёнинг энг яхши жамоасидан бундай беқарорлик умуман кутилмаганди. Боз устига, тақвим у даражада мураккаб эмас. Жамоа декабрь ойининг иккинчи ярмида бўлиб ўтадиган клублар ўртасидаги жаҳон чемпионати олдидан Чемпионлар лигасида "Ливерпул" ва "Аталанта", Ла Лигада эса "Атлетик" ва "Жирона"га сафар қилади. "Леганес" бу қаторда осон рақибга ўхшайди, аммо олдиндан нимадир деб бўлмайди. Мадридликларда кутилмаган натижани ҳам қайд этиши мумкин.