Шаҳбоз Шариф Покистонга Бош вазир этиб тайинланди
Овоз бериш жараёнида унинг номзодини 174 нафар депутат қўллаб-қувватлади.
Покистон парламентида Бош вазир лавозимига овоз бериш жараёни бўлиб ўтди. Унда Шаҳбоз Шариф номзодини 174 нафар депутат қўллаб-қувватлади. Шундай қилиб, у Покистоннинг янги Бош вазири сифатида қасамёд қабул қилган.
Мамлакатнинг собиқ Бош вазири Имрон Хон эса ишончсизлик вотуми натижасида бош вазир лавозимидан четлаштирилди. Миллий мажлиснинг 342 депутатидан 174 нафари унга қарши овоз берган.
Имрон Хон ўз лавозимидан четлаштирилишида “ташқи кучлар”ни айблаган.Унинг даъвосича, Покистон мухолифати Хитой ва Россияга хайрихоҳ бўлган мустақил ташқи сиёсати туфайли уни ҳокимиятдан четлатиш учун Вашингтон билан тил бириктирган.
