энг долзарб
|
18 Сентябр 07:38
546
энг долзарб
|
18.09.2021, 07:38
546

Шарбат тайёрлаш қурилмаси ичига яширинган тилла ва заргарлик буюмлари фош қилинди

«Тошкент-Аэро» ихтисослаштирилган божхона комплекси ходимлари пойтахтимиз аэропортида тилла тақинчоқларни яширинча олиб киришнинг ғайриоддий усулини фош қилишди.

Бу ҳақда Давлат божхона қўмитаси матбуот хизмати “Zamon.uz” га маълум қилди.

Хориждан юртимизга кириб келган йўловчилардан бири божхонадан “яшил” йўлак орқали ҳаракатланар экан, унинг безовталаниши божхона ходимларининг диққатини тортди.

Шундан сўнг, унга тегишли багаж белгиланган назорат-рентген ускунаси орқали кўздан кечирилганда, багаждаги шарбат тайёрлаш қурилмасининг тасвири экранда шубҳали акс этди. 

Қурилманинг темир асосли таг қисми махсус ускуна ёрдамида кесиб очиб кўрилганида, унинг ичига жами 799 гр. оғирликдаги қимматбаҳо тилла тақинчоқлар яширилганлиги аниқланди.

Шу тариқа қонунбузар шахснинг божхона ходимларининг кўзини шамғалат қилиб, қиймати 320 млн. сўмлик заргарлик буюмларини олиб кириш режаси наф бермади.

Ҳозирда суриштирув ишлари олиб борилмоқда.

Аввалроқ, Тошкент халқаро аэропорти чегара божхона пости ходимлари билан ҳамкорликда йирик миқдордаги дори воситалари тўхтатиб қолингани ҳақида хабар берган эдик.

Муножат Валиева