Шольц қочқинлар устидан Евроиттифоққа шикоят қилди
У Иттифоқдан чегараларда назоратни кучайтиришни талаб қилди.
Германияга келаётган қочқинлар сони ҳаддан ташқари кўпайиб кетди. Бу ҳақда Германия канцлери Олаф Шольц маълум қилди.
Ҳукумат раҳбарининг фикрича, расмийлар чекловчи чораларни киритиши керак.
Германия аллақачон Швейцария ва Чехия билан чегараларда қўшма патруль фаолиятини бошлаган. Европа Иттифоқининг барча мамлакатларида қочқинлар рўйхатга олиш тартибидан ўтиши керак.
"Бундай давом эта олмайди: Германияга келган барча қочқинларнинг 70 фоиздан ортиғи илгари рўйхатдан ўтмаган, гарчи уларнинг деярли барчаси бундан олдин ЕИ давлатларидан бирига келган бўлса ҳам", - деди сиёсатчи.
