“Sputnik V” билан эмланганларда антитаначалар сақланиш миқдори маълум бўлди
Тадқиқотда кўнгилли равишда 602 киши иштирок этган.
“The Lancet” илмий журналида аргентиналик олимларнинг мазкур вакцина таъсирида пайдо бўлган антитаначаларнинг узоқ муддатли таҳлилига бағишланган тадқиқотлари натижалари эълон қилинди.
Кузатувларга кўра, 6 ой давомида “Sputnik V” эмланганларнинг 31 фоизида COVID-19'га қарши иммунитет антитаначалар сақланиб қолган. Шунингдек, тадқиқот доирасида олимлар Россиянинг “Sputnik V” вакцинаси билан коронавирусга қарши эмланган Тукуман шаҳри аҳолисини кузатганлар.
Тадқиқот натижаларига кўра, антитаначаларнинг етарли даражаси эмланганларнинг жуда кам фоизида аниқланган.
Тажрибада қатнашганларнинг деярли 66 % и аввал эмланмаган. Вакцина билан эмлангач, улардан фақат 25 фоизида енгил ножўя таъсирлар қайд этилган. Вирусга қарши антитаначалар биринчи дозадан кейин кўнгилли эмланганларнинг 48 фоизида, иккинчи дозадан кейин эса 97,6 фоизида аниқланган.
Шу билан бирга, 2 ойдан кейин антитаначалар даражаси пасайишни бошлаган, аммо 94 фоиз эмланувчида 3 ойгача йўқолмаган.
Кейинги ўринларда 6 ой ўтиб, кўнгилли эмланганларнинг танасида коронавирусга қарши иммун антитаначалар маълум миқдорда сақланиб қолган.
Эслатиб ўтамиз, аввалроқ 2021 йил 4 август ҳолатига кўра, 341 260 доза “Sputnik V” эмлаш жараёнларида қўлланилган бўлиб, 212 818 нафар шахс вакцинанинг фақат биринчи дозасини олганлиги ҳамда Ўзбекистонда “Sputnik V” вакцинаси ишлаб чиқарилиши бошлангани ҳақида хабар берилганди.
Чўлпоной Аҳмедова
