Сурия Киев билан дипломатик муносабатларни тўхтатди
Бунга Дамашқнинг “ДХР” ва “ЛХР”нинг “мустақиллиги”ни тан олиши сабаб бўлган.
Сурия Украина билан дипломатик алоқаларни узади. Бу ҳақда SANA ахборот агентлиги хабар берди.
Агентликнинг Сурия ТИВга таяниб берган маълумотига кўра, бу Киевнинг ҳаракатларига жавоб тарзида амалга оширилмоқда. 29 июнь куни Дамашқ Украина шарқидаги “ДХР” ва “ЛХР”нинг “мустақиллиги”ни тан олганди. Бунга жавобан Владимир Зеленский Сурияга қарши санкцияларнинг кучайтирилишини маълум қилди. Бундан ташқари, Киев дипломатик алоқалар узилишини таъкидлаган.
Шу билан бирга икки давлат ўртасида консуллик муносабатлари сақланиб қолган.
Аввалроқ Украина КХДР билан ҳам дипломатик алоқаларни узганди.
