Япония ва АҚШ иқтисодий йўналишларда "2+2" форматидаги вазирлар учрашувини ташкил этиши мумкин. Бу ҳақда NHK телеканали хабар берди.
Ҳозирда Токио ва Вашингтон сиёсий ва ҳарбий соҳага оид "2+2" форматли учрашув ўтказиб келади. Унда ташқи ишлар ва мудофаа вазирлари иштирок этади.
Янги формат эса иқтисодиёт тармоқларига жавоб берувчи вазирлар ва ташқи сиёсий идора раҳбарлари қатнашиши мумкин.
Бу учрашувларда томонлар юқори технологиялар, хусусан ярим ўтказгичлар ишлаб чиқариш ҳамда иқлим ўзгариши масаласини муҳокама қилмоқчи.
Аввалроқ Япония бош вазири АҚШ президенти билан музокара ўтказганди.