Тошкент аэропортида йўловчи ноёб танга билан қўлга тушди
У тахминан милоддан аввалги III асрга тегишли бўлган.
Тошкент халқаро аэропортида Македонский давридаги тангани яширинча олиб ўтишга уринган йўловчи аниқланди. Бу ҳақида “Toshkent-AERO” ихтисослаштирилган божхона комплекси ахборот хизмати хабар берди.
Қайд этилишича, 12 июль куни соат 01:05 ларда аэропорт чегара-божхона пости ходимлари томонидан “Тошкент-Урумчи” йўналиши бўйича учиб кетаётган Хитой Халқ Республикаси фуқароси С.Ж.га тегишли йўл сумкалари божхона кўригидан ўтказилган.
Натижада йўловчининг сумкасида божхона назоратига тақдим этилмаган, жами 1 дона эрамиздан аввалги тахминан III асрда ишлаб чиқарилган Македонский расми туширилган оқ рангли металлдан ясалган қадимий танга борлиги аниқланган.
Ҳозирда Ҳолат юзасидан суриштирув ҳаракатлари олиб борилмоқда.
