Тошкентда мактаб формалари мажбурий сотиляптими?
Бу бўйича прокуратура ходимлари тилхат ёздиргани айтилмоқда.
Ижтимоий тармоқда Тошкент шаҳридаги мактабларнинг бирида мактаб формаси сотиб олиниши шартлиги бўйича прокуратура ходимлари тилхат ёздирганлиги ҳақидаги хабар тарқалди.
Ҳолат юзасидан шаҳар прокуратураси расмий муносабат билдириб, бу бўйича ўрганиш олиб борилаётганини маълум қилди.
Эслатиб ўтамиз, аввалроқ ижтимоий тармоқларда Тошкент шаҳар ҳокимининг тегишли қарори асосида пойтахт мактабларининг ўқитувчиларига мактаб формаси олиш учун маълум миқдорда маблағ ажратилганлиги хусусидаги хабар кенг муҳокамаларга сабаб бўлганди.
Ҳолатга Халқ таълими вазирлиги муносабат билдириб, Ўзбекистондаги мактаб ўқитувчилари учун мамлакат миқёсида белгиланган ва тасдиқланган ягона мажбурий форма тури мавжуд эмаслигини айтган.
Вазирликнинг 2020 йил 28 майдаги “Умумий ўрта таълим муассасасининг ички тартиб ва одоб-ахлоқ қоидаларини тасдиқлаш тўғрисида” 131-сонли буйруғига асосан, тизим ходимларнинг ички тартиб ва одоб-ахлоқ қоидалари белгиланган. Унга кўра, ўқитувчилар мактаб даражасида белгиланган дресс-код талабларига риоя қилишлари зарур.
