Қайд этилишича, МИБ Чилонзор тумани бўлими иш юритувига Фуқаролик ишлари бўйича Учтепа туманлараро судининг суд буйруғига асосан қарздор C.Ш. дан ундирувчи Д.Н. фойдасига 1/2 қисм миқдорида алимент ундириш тўғрисидаги ижро иши келиб тушган.
Ижро иши юзасидан алимент қарздорлигини ундириш масаласида давлат ижрочиси томонидан қарздор С.Ш. бир неча бор огоҳлантирилиб, ҳуқуқ ва мажбуриятлари тушунтирилганда, қарздор ундирувчи билан алимент масаласида келишиб олганини, қолаверса ОАВ вакили эканини айтиб, масалани ўзи ҳал этишини билдирган.
Бироқ ундирувчига қарздор умуман алимент тўламаётгани маълум бўлгач, давлат ижрочиси алимент мажбурияти тўланмаган тақдирда, унга нисбатан қонуний чора кўришини билдирган.
Шундан сўнг, 8 октябрь куни С.Ш. ва ОАВ вакиллари Бюронинг Чилонзор бўлимига келишган ва давлат ижрочиси билан қўпол муомалада бўлган ва давлат ижрочилари уларга нисбатан куч ишлатгани ҳақида видео хабарларни юборган.
Давлат ижрочилари уларга ижро ҳаракатларига қаршилик қилмасликни ва қарздор С.Ш. га нисбатан МЖтКнинг 474-моддаси билан тўпланган ҳужжатлар мазмунан кўриб чиқиш учун Жиноят ишлари бўйича Чилонзор тумани судига юборилишини маълум қилган.
Бюронинг Чилонзор тумани бўлими ходимлари томонидан қарздорга нисбатан қўпол муомалада ёки бошқача йўсиндаги хатти-ҳаракатлар бўлмаган. Қолаверса, бюронинг Чилонзор тумани бўлимига чақирув билан келган ички ишлар ҳамда тез ёрдам ходимлари иштирокида тегишли ҳужжатлар расмийлаштирилган.