Тошкент шаҳрининг бир қатор ҳудудлари юқори сейсмик хавф зонасига киритилди. Мутасадди идоралар маълумотига кўра, мазкур ҳудудларда 8–9 баллигача бўлган зилзилалар кузатилиши эҳтимоли мавжуд.
Эълон қилинган рўйхатга кўра, пойтахтнинг қуйидаги туманлари юқори хавфли сейсмик ҳудудлар сифатида баҳоланган:
- Чилонзор тумани
- Учтепа тумани
- Шайхонтоҳур тумани
- Олмазор тумани
- Яккасарой тумани
- Юнусобод тумани
Ушбу ҳудудларда жойлашган турар-жой ва нотурар-жой бинолари 8–9 балл кучдаги зилзилаларга бардош берадиган талабларга мос равишда қурилиши шарт этиб белгиланган.
Мутахассислар аҳолига бундай маълумотларни ваҳима билан қабул қилмасликни, бироқ фавқулодда ҳолатлар учун тайёр бўлишни тавсия қилмоқда.