Жорий йилнинг 9 декабрь куни соат 22:30 ларда Миробод тумани Ислом Каримов кўчасида Yutong русумли электробус ҳайдовчиси тартибга солинмаган пиёдалар ўтиш жойидан кесиб ўтаётган пиёдани уриб юборган. Зарб оқибатида пиёда қарама-қарши йўналишга йиқилган ва шу пайтда Haval русумли автомашина ҳам мазкур пиёдани уриб юборган.
ЙТҲ оқибатида пиёда олган тан жароҳатлари натижасида воқеа жойида вафот этган.
Мазкур ҳолат юзасидан Тошкент шаҳар ИИББ Тергов бошқармаси томонидан Ўзбекистон Республикаси Жиноят кодексининг 266-моддаси 2-қисми билан жиноят иши қўзғатилиб, тергов ҳаракатлари олиб борилмоқда.