Трамп 2037 йилгача ҳокимиятда қолиши мумкин
Қонунчиликдаги бўшлиқ Трампга учинчи муддатни таъминлаши мумкинлиги айтилмоқда.
Доналд Трамп АҚШ Конституциясидаги 22-тузатишдаги ҳуқуқий «бўшлиқ»дан фойдаланган ҳолда 2037 йилгача президентлик лавозимида қолиши мумкин.
1951 йилда қабул қилинган ушбу тузатиш бир кишининг икки мартадан ортиқ президент бўлишини тақиқлайди. Бироқ, унда вице-президент президент лавозимини эгаллагандан кейин қайта сайлана олмаслиги ҳақида аниқ чеклов йўқ.
Нашрнинг ёзишича, Оқ уй маъмурияти ушбу имкониятни ўрганмоқда ва Трамп келажакда вице-президент Жеймс Девид Венс орқали яна ҳокимиятга қайтиши мумкин. Агар Венс президент бўлиб, кейин истеъфога чиқса, Трамп унинг ўрнини эгаллаши мумкин.
Шу билан бирга, АҚШ Олий суди бу ҳолатга расмий ҳуқуқий қаршилик кўрсатиши қийин бўлиши мумкинлиги таъкидланган.
