Туркия Россияга ғалла экспорти бўйича 4 томонлама музокара таклиф қилди
Зеленский денгиз орқали дон экспорт қилишга тайёрлигини, аммо Россиянинг ҳеч қандай таклифига ишонмаслигини айтди.
Туркия ташқи ишлар вазирлиги Москвага Украина, Россия, Туркия ва БМТ ўртасида тўсиб қўйилган Украина портларидан ғалла экспорти учун йўлаклар яратиш бўйича музокаралар ўтказишни таклиф қилди. Анқара Россиядан ушбу ташаббусга жавоб кутмоқда. Бу ҳақда Туркия ташқи ишлар вазири Мевлута Чавушўғли маълум қилди.
“Биз Истанбулда Россия, Украина, Туркия ва БМТ ўртасида ушбу масала бўйича йиғилиш ўтказишга тайёрлигимизни билдирдик ва бу энг тўғриси. Бизнинг позициямиз аниқ эълон қилинди, энди биз Россиядан бир қарорни кутмоқдамиз”, — деди Чавушўғли.
Владимир Зеленский, агар сивилизациялашган мамлакатлар кемалари денгиз йўлаги яратса, Украина денгиз орқали дон экспорт қилишга тайёр бўлишини ва Россиянинг ҳеч қандай таклифига ишонмаслигини айтди.
