Туркияда теракт уюштирмоқчи бўлган шахслар қўлга олинди
Улар “Эрондан кўрсатма олган”и айтилмоқда.
Туркияда “Эрондан кўрсатма” олиб терактга тайёрлаган беш нафар террорчи мамлакат жануби-шарқида портловчи моддалар билан қўлга тушди. Бу ҳақда мамлакат ички ишлар вазири маълум қилди.
“Операция чоғида беш нафар террорчи портловчи моддалар билан қўлга олинди, улар Эрондан теракт уюштириш бўйича кўрсатма олганлар”, — деган вазир.
Унинг айтишича, жиноятчилар Африн шаҳри орқали Туркия ҳудудига киргани ҳақида тахминлар бор.
Эслатиб ўтамиз, 13 ноябрь куни Истанбул марказидаги пиёдалар учун мўлжалланган «Истиқлол» кўчасида портлаш юз бериб, 6 киши ҳалок бўлганди ва 81 киши яраланганди. Шундан сўнг террорчиликда гумон қилинган шахс қўлга олинган ва у Туркияда тақиқланган Курдистон Ишчилар партияси (ПКК) билан алоқаси борлигини тан олган.
