Украинанинг тинчлик формуласи жаҳонда қизиқиш уйғотмоқда
Малтада ўтган йиғилиш тафсилотлари.
28-29 октябрь кунлари Малтада Украина тинчлик формуласи бўйича учинчи музокаралар бўлиб ўтди. Йиғилиш етакчиларнинг миллий хавфсизлик масалалари бўйича маслаҳатчилари даражасида ўтказилган.
Тадбирда 66 давлат иштирок этди. Хусусан, иштирокчилар орасида Россия ҳам ўрин олган БРИКС блокига аъзо Жанубий Африка, Бразилия ва Ҳиндистон вакиллари бор. Бундан ташқари, АҚШ, Европа Иттифоқи ва Буюк Британия, шунингдек, Украина ва Россия ўртасидаги можарода ўзини воситачи сифатида таклиф қилган Туркия ҳам иштирок этган.
Украина резиденти девони раҳбари Андрей Ермак ўзининг Телеграмъдаги саҳифасида Малта ва Украина ҳамраисларининг мамлакат ва бутун дунёда тинчлик ўрнатишнинг асосий тамойилларига бағишланган учрашув якунлари бўйича қўшма баёнотини эълон қилди.
Ермакнинг таъкидлашича, маслаҳатлашувлар 66 давлат ва халқаро ташкилотларнинг миллий хавфсизлик бўйича маслаҳатчилари ва ташқи сиёсат бўйича маслаҳатчиларининг шахсан ва онлайн иштирокини ўз ичига олган. Улар Украина ва ҳамкор давлатлар вакиллари ўртасида, хусусан, 2023 йил 24 июнь куни Копенгагенда ва 2023 йил 5 августда Жиддада бўлиб ўтган сўнгги учрашувларнинг давоми бўлди.
“Очиқ ва конструктив учрашув чоғида иштирокчилар Украина учун кенг қамровли, адолатли ва мустаҳкам тинчликка эришиш ва унга асосланиши лозим бўлган асосий тамойилларни тўлиқ муҳокама қилдилар”, - дея таъкидлайди Ермак.
Украина учун бундай тинчликка эришиш халқаро тинчлик ва хавфсизликни мустаҳкамлашга муҳим ҳисса қўшади.
Тинчлик БМТ Низоми, Украина суверенитети ва ҳудудий яхлитлигини ҳурмат қилиш, БМТ Бош Ассамблеясининг тегишли резолюциялари ва халқаро ҳуқуқ тамойилларига асосланиши керак.
2023 йил август ойида Жидда шаҳрида бўлиб ўтган учрашувдан сўнг Киев Украинада аккредитациядан ўтган элчилар ва таклиф этилган экспертлар иштирокида ишчи гуруҳларини тузган эди.
Малтадаги учрашувда томонлар кенг қамровли, адолатли ва мустаҳкам тинчликка эришиш учун қуйидаги йўналишлар бўйича ишладилар:
—Ядро ва радиация хавфсизлиги;
—Озиқ-овқат хавфсизлиги;
—Энергия хавфсизлиги;
—Барча маҳбусларни ва депортация қилинганларни озод қилиш;
—Украинанинг ҳудудий яхлитлигини тиклаш.
“Давлат ва ҳукумат раҳбарлари даражасида Глобал Тинчлик Саммитини ўтказиш ташаббуси муҳокама қилинди ва томонлар ушбу тадбирга тайёргарлик кўриш учун зарур чораларни кўришни режалаштирмоқда”, - дейди Ермак.
Малтадаги саммитдан кейин Украина нимага эришади?
Украина президенти Владимир Зеленский ўзининг анъанавий мурожаатида таъкидлаганидек, Малтада бўлиб ўтган саммитда олтмиш олти давлат вакиллари иштирок этгани яхши натижадир.
"Бизнинг дунё ҳақидаги умумий қарашимизни қўллаб-қувватлаган барча раҳбарлар ва мамлакатларга раҳмат. Ва давлатлар ваколатини кенгайтириш учун имкониятлар мавжуд.
Шундай қилиб, дунёда халқаро ҳуқуқни чинакам қадрлайдиган ҳар бир киши ўзини ва ўз қадриятларини ифода этиши ҳамда тажовузга қарши глобал саъй-ҳаракатларни қўллаб-қувватлаши мумкин”, — деди Владимир Зеленский.
Шунингдек, у Копенгагендаги биринчи учрашувдан бери Украина тинчлик формуласини қўллаб-қувватлаш масаласида эволюция бўлганини таъкидлади.
Ҳозирда форумдаги иштирокчи давлатлар сони 66 га етди. Бу, албатта, Украина тинчлик формуласини
