Уруш кенгайса, Германия ўз ҳудудини ҳимоя қилишга тайёр—Кристин Ламбрехт
“Керак бўлса, НАТО бизга ёрдам беради”, — деди у.
Россиянинг Украинага қарши уруши кенгайган тақдирда Германия ўз ҳудудини ҳимоя қилишга тайёр бўлиши керак. Бу ҳақда Германия мудофаа вазири Кристин Ламбрехт маълум қилди.
У Германия мамлакат ва НАТО ҳудудини ҳимоя қилишини айтди.
“Мудофаа ҳар доим Бундесвернинг асосий вазифаси бўлиб келган. Буни ҳамма яна бир бор тушуниши керак”, — деди вазир.
Ламбрехт Германия ҳудудига ҳақиқий хавф туғилган тақдирда Алянс кучлари уларни ҳимоя қилишда ёрдам беришини ҳам таъкидлаган.
Маълумки, Германия парламенти янги қурол-яроғ ва ҳарбий техника сотиб олиш учун 100 миллиард еврогача маблағ ажратмоқчи.
Полшадаги ракета ҳалокатидан сўнг Германия Варшавага ҳаво ҳудуди хавфсизлигини таъминлашда “Eurofighter” қирувчи самолётлари ва “Patriot” ҳаво мудофаа тизимлари ёрдамида ёрдам таклиф қилганди.
