Владимир Путин Шавкат Мирзиёевни тақдирлади
Президент Александр Невский ордени билан мукофотланди.
Ўзбекистон Республикаси Президенти Шавкат Мирзиёевни мамлакатлар ўртасидаги дўстлик ва ҳамкорликни мустаҳкамлашдаги катта хизматлари учун Россиянинг Александр Невский ордени билан тақдирлаш маросими бўлди.
Давлат раҳбарини ушбу орден билан мукофотлаш тўғрисидаги фармон жорий йилнинг июль ойида қабул қилинган эди.
Президент мукофотни қабул қилар экан, уни, биринчи навбатда, бутун Ўзбекистон халқининг ўзаро дўстлик ва ҳамкорликни мустаҳкамлашга қўшган ҳиссасининг эътирофи деб билишини таъкидлади.
Қайд этилишича, Александр Невский ордени билан Россия Федерацияси билан кўп томонлама ҳамкорликни ривожлантириш ва унинг ижтимоий-иқтисодий тараққиётига кўмаклашишда хизмат кўрсатган атоқли хорижий сиёсат ва жамоат арбоблари мукофотланади.
