Трамп жамоаси ичида келишмовчилик юзага келди — Bild
Эронга қарши уруш фонида АҚШ витце-президенти Жей Ди Венс ва Давлат котиби Марко Рубио ўртасида зиддият пайдо бўлган.
АҚШ президенти Доналд Трампнинг жамоаси ва тарафдорлари орасида ички келишмовчилик юзага келди. Бу ҳақда Bild нашри манбаларга таяниб хабар бермоқда.
Номаълум манбаларга кўра, Трамп яқинда ўзининг йирик ҳомийларидан ким уни ворис сифатида энг яхши қўллаб-қувватлаши мумкинлигини сўраган. Трамп ворис сифатида АҚШ витце-президенти Жей Ди Вэнс ёки Давлат котиби Марко Рубиони назарда тутган.
Манбаларнинг таъкидлашича, ҳомийларнинг аксарияти деярли бир овоздан Давлат котибини қўллаб-қувватлаган.
Бироқ, MAGA (“Американи яна буюк қил”) ҳаракати тарафдорлари орасида Венс кўпроқ машҳур. Эмерсон коллежи сўровнома маркази ўтказган сўнгги тадқиқот натижаларига кўра, республикачилар орасида Вэнснинг қўллаб-қувватлаш рейтинги 52% ни ташкил қилиб, Рубио атиги 20% билан ортда қолмоқда.
“Бу вазият Трамп жамоаси ичидаги ички зиддият ва қарама-қарши фикрларни яна бир бор очиб қўйди”, деб ёзмоқда нашр.
