CNN хабарига кўра, Хитой ракета ишлаб чиқариш ва ракета қўшинларига алоқадор объектларни сезиларли даражада кенгайтирмоқда. Журналистлар 2020 йилдан бошлаб олинган сунъий йўлдош тасвирлари, хариталар ва ҳукумат ахборотларини таҳлил қилиб, бу соҳадаги фаолиятнинг ошганини аниқлаган.
Сунъий йўлдош тасвирларидан маълум бўлишича, Хитой Қуролли кучларининг ядровий арзеналини назорат қилувчи ракета ишлаб чиқариш ёки ракета қўшинларига тегишли 136 та объектнинг 60 фоизидан ортиғида кенгайиш аломатлари кузатилган.
Мақолага кўра, Хитойдаги ҳарбий заводлар, илмий-тадқиқот ва синов марказларини ўз ичига олган бу объектлар майдони 2020 йил бошидан 2025 йил охиригача бўлган даврда минглаб квадрат метрларга ошган. Бу эса мамлакатнинг ракета қуролланиши ва стратегик салоҳиятини янада кучайтираётганини кўрсатади.