Бутунжаҳон тозалик куни: Ўзбекистонда плоггинг акцияси ўтказилади
Акция 19 сентябрь куни барча ҳудудларда бўлиб ўтади.
19 сентябрь куни соат 11:00 да Ўзбекистоннинг барча ҳудудларида “Ҳаёт учун жой ажратинг!” номли оммавий плоггинг эко-акцияси ўтказилади.
Тадбир Чиқиндиларни бошқариш ва циркуляр иқтисодиётни ривожлантириш агентлиги томонидан “Wоrld Cleanup Day-2026” — Бутунжаҳон тозалик куни муносабати билан ташкил этилмоқда.
Акция давомида жамоатчилик, ОАВ, давлат идоралари ва хусусий тадбиркорлик субъектларини бирлаштириб, ҳудудларни чиқиндилардан тозалаш режалаштирилган.
Экоакция республика бўйлаб ҳудудларнинг қуйидаги манзилларида ўтказилади:
1. Қорақалпоғистон Республикаси — Нукус шаҳри, Дўстлик канали бўйи, “Халқлар дўстлиги” МФЙ;
2. Андижон вилояти — Андижон тумани, Бобур шаҳри, Янги Андижон массиви;
3. Бухоро вилояти — Бухоро вилояти, Сомонийлар боғи, “Ҳавзи Нав” МФЙ;
4. Жиззах вилояти — Шароф Рашидов тумани, “Ғозғонтепа” МФЙдаги М-39 автомобиль йўлининг Жиззах–Даштобод йўналиши бошланиши;
5. Қашқадарё вилояти — Кўкдала тумани, Қўнғирот тоғ массиви;
6. Навоий вилояти — Навоий шаҳри, Алишер Навоий номидаги истироҳат боғи, “Ҳумо” МФЙ;
7. Наманган вилояти — Наманган шаҳри, З. Бобур номидаги маданият ва истироҳат боғи;
8. Самарқанд вилояти — Самарқанд шаҳри, Тошкент кўчаси, “Афросиёб” МФЙ;
9. Сирдарё вилояти — Гулистон шаҳри, “Бўстон” МФЙ;
10. Сурхондарё вилояти — Термиз шаҳри, “Амударё соҳили” оромгоҳи, “Гулистон” МФЙ;
11. Тошкент вилояти — Бўстонлиқ тумани, “Чимён” МФЙ;
12. Тошкент шаҳри — Яккасарой тумани, “Юнус Ражабий” МФЙ, Шаршара кўчаси;
13. Фарғона вилояти — Фарғона шаҳри, Саккокий кўчаси, 3-уй, “Янгиариқ” МФЙ;
14. Хоразм вилояти — Урганч шаҳри, Паҳлавон Маҳмуд кўчаси, “Навбаҳор” МФЙ.
