Европа Россия ҳужумларидан ҳайратда—Жозеп Боррел
Евроиттифоқ Украинага қўшимча ҳарбий ёрдам берилишини маълум қилди.
Бугун, 10 октябрь куни Европа Иттифоқининг ташқи ишлар ва хавфсизлик сиёсати бўйича олий вакили Жозеп Боррел Россиянинг Украинага берган ракета зарбаларидан ҳайратда қолганини айтди ва Киевга қўшимча ҳарбий ёрдам берилишини маълум қилди. Бу ҳақда у Твиттер саҳифасида ёзган.
“Россиянинг Киев ва Украинанинг бошқа шаҳарларида тинч аҳолига қилган ҳужумларидан қаттиқ ҳайратдаман. ХХI асрда бундай ҳаракатларга ўрин йўқ. Мен уларни кескин қоралайман. Биз Украина билан биргамиз. Европа Иттифоқининг қўшимча ҳарбий ёрдами йўлга чиқди”, — дейди у.
Эслатиб ўтамиз, душанба куни эрталаб Россия томонидан Украина шаҳарларига йирик ракета ҳужумини уюштирган.
