Замбияда куйдирги касаллиги авж олди
Одамлар касалланган ҳайвон гўштини истеъмол қилган.
Ҳозиргача 330 дан ортиқ беморга ташхис қўйилган ва улардан тўрт нафари вафот этди. Бу ҳақда Замбия соғлиқни сақлаш вазирлиги маълум қилди.
Қайд этилишича, беморлар мамлакатнинг ўнта вилоятидан олтитасида топилган.
Таъкидланишича, одамлар куйдирги билан касалланган ҳайвонларнинг гўштини истеъмол қилиш орқали уни юқтирган.
Сибир иситмаси сут эмизувчиларнинг бактериялар келтириб чиқарадиган юқумли касаллигидир. У Патоген тупроқда споралар орқали кўп йиллар давомида яшовчан бўлиб қолади.
