Зеленский Эронни жазолашни талаб қиляпти
Шанба куни Теҳрон Москвага дрон сотганини тан олганди.
Владимир Зеленский Россия дрон етказиб берган Эронни жазолашни талаб қилди.
“Эрон режимининг Россиянинг Украинага қарши террорида иштироки жазоланиши керак. Ва бу масалани биз энг юқори даражада кўтарамиз”, – деган у.
Эрон узоқ вақт Россияга учувчисиз қурилмаларни етказиб берганини инкор қилиб келганди. Аммо шанба куни мамлакат ташқи ишлар вазири Амир Абдуллахиян Теҳрон Украина низосидан анча аввал Москвага дронлар экспорт қилганини тан олди.
Зеленскийнинг сўзларига кўра, эронликлар Россияга ҳарбий ҳаракатларни давом эттиришга ёрдам беряпти.
“Агар Эрон агрессорга қурол бермаганда биз ҳозир тинчликка яқинлашган бўлардик. Бу эса озиқ-овқат инқирози ечими яқинлашишини англатади. Турмуш даражасининг арзонлашувини яқинлаштиради. Энергетика бозорида барқарорлашувни англатади”, – деб қайд этган Украина раҳбари.
