The Washington Post газетаси бугун “Киев учун жанг” номли махсус лойиҳани эълон қилди. Унда Украинадаги ҳарбий можаронинг дастлабки кунлари ҳақида сўз боради.
Мақолада украин ҳукуматининг юқори мартабали амалдорлари, хусусан, президент Владимир Зеленскийдан иқтибослар келтирилган.
“Мен ҳокимиятни ушлаб қолмоқчи эмасман. Агар мен кетсам, қон тўкилиши тўхтаса, бунга тайёрман. Ҳозирнинг ўзида кетаман. Сиёсатга (ҳокимиятни сақлаб қолиш) учун келмаганман. Агар бу можарони тўхтатса, исталган пайтда кетишга тайёрман”, – деган у низонинг дастлабки кунларида.
Украина президенти, шунингдек, февралда Ғарб сиёсатчилари Киевнинг беш кундан ортиқ қаршилик қила олмайди, деб ҳисоблаганини айтган.
Аввалроқ Зеленский Минск келишувларига қайтмаслигини маълум қилганди.