Владимир Зеленский бошқа давлат етакчиларидан Россиянинг музокаралар бошлаш истаги ҳақида сигнал олган. Бу ҳақда Украина президенти журналистлар билан суҳбатда маълум қилди.
“Ҳа, мен ҳақиқатдан ҳам давлат раҳбарларидан турли сигналларни олдим. Фикримча, Путин тўғридан тўғри музокараларни истамоқда. Мен очиқ музокараларни таклиф қилдим, чунки Россия биз билан очиқчасига урушмоқда”, – деган Украина раҳбари.
У G20 саммитида тинчлик учун 10 та пунктни таклиф қилганини эслатди.
“Менимча, бу бутун дунёда тинчлик учун формула. Чунки, ҳар бир давлат у ерда ўз ўрнини топади ва у ёки бу ташаббус бўйича етакчи бўлиши мумкин”, – деган Зеленский.