AQSH olimlari koronavirusning yana bir yangi shtammini aniqlashdi
AQSH olimlari koronavirusning yangi “yota” shtammi haqida xabar tarqatishdi.
Taʼkidlanishicha, undan o‘lim darajasi ancha yuqori — 46 foizdan 82 foizgacha ko‘tarilishi mumkin. Bu shtamm haqidagi maʼlumot medrxiv.org portalida ham eʼlon qilindi.
Qayd etilishicha, olimlar 2020 yilning noyabridan 2021 yil apreligacha Nyu-Yorkda olingan maʼlumotlarni to‘plashgan. O‘rganishlar bu virus boshqa maʼlum shtammlarga nisbatan tez yuqishini ko‘rsatgan.
Boshqa shtammlar bilan taqqoslanganda “yota” 45-64 yoshdagilar orasida o‘lim darajasini 46 foizga, 65-74 yoshdagilar orasida esa 82 foizga oshirishi mumkin.
Sharofat Mahmudova
