Kulusevski: “Ispaniyani katta hisobda mag’lub etishimiz mumkin edi”
Shvetsiya terma jamoasi yarim himoyachisi Deyan Kulusevski JCH-22 saralashida Ispaniya ustidan qozonilgan g’alaba haqida gapirdi:
“Biz o’ylaganimizdan ko’ra kuchliroqmiz. Uchrashuvda katta hisobda g’alaba qozonishimiz mumkin edi. Baribir, natijadan faxrlanaman. Bu mening hayotimda sodir bo’lgan eng yaxshi voqealardan biri bo’ldi. Bizda yaxshi jamoa bor”, - deydi futbolchi.
Ushbu uchrashuv Stokgolmdagi “Friends Arena”da bo’lib o’tdi. O’yin shvedlarning 2:1 hisobidagi ustunligi bilan yakunlandi. G’alaba golini “Krosnadar” futbolchisi Viktor Klasson kiritdi.
Ma’lumot uchun, Shvetsiya saralash bosqichining barcha uchrashuvlarida g’alaba qozondi. Ular 9 ochko jamg’argan holda turnir jadvalida birinchi o’rinni band qilmoqda. Ispanlar 7 ochko bilan ikkinchi pog’onada bormoqda. Keyingi turda Shvetsiya Gretsiya mehmoni bo’ladi. Ispaniya esa Gruziyani qabul qiladi.
Eslatib o’tamiz, avvalroq “Barselona” Miralem Pyanichni ijaraga bergani haqida xabar bergandik.
