«Бешиктош» Миралем Пянични ижарага олди
«Барселона» клуби футболчиси Миралем Пиянич Туркиянинг «Бешиктош» клубига ижарага берилди.
«Бешиктош» спортчи учун Каталония клубига бир мавсум учун 2,750,000 млн евро тўлайди. «Бешиктош» футбол клуби расмий саҳифаси орқали жамоатчиликка берган баёнотида “Профессионал футболчи Миралем Пяничнинг вақтинчалик трансфери унинг клуби ва ўзи билан келишилган. Биз футболчи клубимизга катта натижалар олиб келишига ишонамиз ва унга муваффақият тилаймиз”, - дея ёзиб қолдирган.
Маълумот учун, босниялик ярим ҳимоячи «Кўканорранглилар» сафига 2020 йил ўтган. Шартнома 4 йилга мўлжалланган эди. Лекин жорий мавсумда футболчи «Барселона» мураббийлар штабининг режаларига киритилмаган. Шу сабаб жамоа трансфер бўйича тушган таклифларни кўриб чиқишини айтиб ўтганди.
Эслатиб ўтамиз, аввалроқ «Реал» бу ёзни Мбаппесиз ўтказиши ҳақида хабар бергандик.
Мақсаджон Обиджонов
