Cheferin «Yevropa superligasi» tuzmoqchi bo‘lgan klublarni keskin tanqid qildi
UEFA prezideni Aleksandr Cheferin “Barsa”, “Real” va “Yuve” klublarini «Yevropa superligasi» tashkil etmoqchi bo‘lgani uchun keskin tanqid qildi.
“Agar 3 jamoa ham “YeCHL”dan ketishni istasa, men bunga umuman qarshi emasman. To‘g‘risi, ularning yangi turnir yaratmoqchi bo‘lgani va shu bilan yana bir Chempionlar ligasida o‘ynashni xohlashi juda kulgili.
Bu klublardagi boshqaruvni malakali, deb bo‘lmaydi. Yana ularning futbolni o‘ldirmoqchi bo‘lgani aqlga sig‘maydi.
Peres menga jamoasi faqat Superliga bilan omon qolishini yig‘lab tushuntirdi. Lekin uning Killian Mbappeni 180 million yevroga sotib olishga urinishi esa tushinarsiz», — deydi Cheferin.
Maʼlumot uchun: UEFA sanksiyalari sababli «Yevropa superligasi»ga aʼzo bo‘lgan jamoalarning katta qismi turnirni tark etgan va «Chempionlar ligasi»dagi ishtirokini davom ettirshni bildirgan. Faqat “Barsa”, “Real” va “Yuve” jamoalari o‘z fikrida qatʼiy qolishini taʼkidlagan. Shunga qaramay ular ham “YeCHL” bahslaridagi ishtirokini davom ettiradi.
Eslatib o‘tamiz, bundan avval Neymar muxlislarga murojaat bilan chiqqani haqida xabar berilgan edi.
Maqsadjon Obidjonov
