MDH o‘yinlari: O‘zbekiston sportchilari 91 ta medal bilan ikkinchi o‘rinni qo‘lga kiritdi
Rossiyaning Qozon shahrida bo‘lib o‘tgan MDH o‘yinlari yakuniga yetdi.
Ilk bor tashkil qilingan mazkur musobaqada sportchilarimiz munosib ishtirok etib, umumjamoa hisobida 9 mamlakat o‘rtasida ikkinchi o‘rinni egalladi. O‘zbekiston delegatsiyasi jami 91 ta medalni qo‘lga kiritdi. Shundan 23 tasi oltin, 32 tasi kumush, 36 tasi bronza.
Birinchi o‘rin mezbon Rossiyaga, uchinchi o‘rin esa Qozog‘iston vakillariga nasib qildi.
Eslatib o'tamiz, avvalroq MDH: Olimpiada sovrindorlariga qaysi mamlakt qancha pul mukofoti berilgani hamda MDH o‘yinlarida O‘zbekiston 57 ta medal bilan 2-o‘rinda borayotgani haqida xabar berilgandi.
