Olimpiya va Paralimpiya o‘yinlari sovrindorlariga Samarqanddan uy sovg‘a qilindi
Samarqand shahrida Tokioda bo‘lib o‘tgan yozgi Olimpiya va Paralimpiya o‘yinlari g‘oliblari va ishtirokchilarini taqdirlash marosimi bo‘lib o‘tdi. Unda viloyat hokimi E.Turdimov qatnashib, barcha olimpiadachilarni erishilgan katta muvaffaqiyat bilan qutladi.
Samarqanddan Olimpiada o‘yinlarida 10 nafar, Paralimpiya o‘yinlarida esa 4 nafar sportchi ishtirok etdi. Tadbirda Paralimpiya chempioni Husniddin Norbekovga Samarqand shahridan uch xonali, Paralimpiya o‘yinlari kumush medal sohibi Parvina Samandarova hamda dzyudo bo‘yicha Olimpiya o‘yinlari bronza medali sovrindori Davlat Bobonovga esa ikki xonali uy kaliti topshirildi.
Avvalroq Andijon viloyati hokimi Shuhratbek Abdurahmonov davlatimiz rahbari farmoniga asosan «O‘zbekiston iftixori» faxriy unvoni bilan taqdirlangan, paralimpiya chempioni va rekordchisi Boburjon Omonovga Andijon shahridagi 16 qavatli yangi uydan 2 xonali kvartira sovg‘a qilgani haqida xabar berilgandi.
Jamshidbek Amirov
