Messi faoliyatini “Barsa”da tugatmoqchi edi — Leonardo
“PSJ” jamoasi sport direktori Leonardo Messining klubga o‘tishiga oid baʼzi tafsilotlarni oshkor qildi.
«Leo bilan gaplashganimizni yashirmayman. Bu voqea uning “Barselona” bilan shartnomasi tugashiga 6 oy qolganida, yaʼni yanvar oyida bo‘lib o‘tdi. Biz ungacha Messi bilan bog‘lanmaganmiz. Menimcha, Leo “Barsa”da qolishni xohlardi. U menga klubini o‘zgartirmoqchi emasligini, Kataloniyada o‘z faoliyatini yakunlamoqchi ekanini aytdi.
Ammo hamma narsa ham biz istagandek bo‘lavermaydi. Messining “Barselona”dagi hikoyasi tugadi va Parijga yanki hikoya yaratish uchun keldi. Bu tirik afsonani “PSJ” libosida ko‘rish aql bovar qilmas ish edi. Bu juda yoqimli tuyg‘u. Bizda dunyoning eng yaxshi o‘yinchisi bor», — deydi Leonardo.
Maʼlumot uchun: “Barsa”ning sobiq o‘yinchisi Lionel Messi 10 avgustda parijliklar bilan shartnoma imzolagan.
Eslatib o‘tamiz, bundan avval Maykl Ouenning “PSJ”dagi uch hujumchi haqidagi fikrlarini taqdim etgan edik.
Maqsadjon Obidjonov
