“Fiorentina” hujumchisiga bir nechta top klub qiziqish bildirgan
Italiyaning “Fiorentina” jamoasi yetkachilaridan biri Dushan Vlahovich nima uchun yozgi transfer oynasida boshqa klubga o‘tmaganiga izoh berdi.
Serbiyalik hujumchining taʼkidlashicha, unga «Manchester Siti», “Yuventus” va “Milan” klublaridan ham takliflar bo‘lgan, lekin futbolchi shu jamoada qolishni afzal bilgan.
“Men barcha takliflardan voz kechib “Fiorentina”da qolishni afzal bildim. Men bu yerda o‘zimni juda ham erkin his qilaman va yana ko‘plab gollar urishni xohlayman. Qolgan barchasi o‘z vaqti bilan hal bo‘ladi”, — deydi futbolchi.
Maʼlumot uchun: Dushan Italiya A Seriyasining joriy mavsumida 4 o‘yin o‘tkazib, 3 ta gol urishga muvaffaq bo‘ldi (2 tasi penaltidan).
Futbolchining “binafsharanglilar” bilan tuzgan shartnomasi 2023-yilning yozigacha amal qiladi. Hozirda uning transfer qiymati 40 million yevroni tashkil etmoqda.
Eslatib o‘tamiz, bundan avval Anchelotti David Luizni “Real”ga taklif qilgani haqida xabar bergan edik.
Maqsadjon Obidjonov
