Анчелотти Давид Луизни «Реал»га таклиф қилди
Яқинда Бразилиянинг «Фламенго» клубига ўтган Давид Луиз ўз фаолиятини Испания чемпионатида давом эттириши мумкин. Мадриднинг «Реал» клуби унга қизиқиш билдирган.
Қироллик клуби бош мураббийи Карло Анчелотти барзилиялик Давид Луиз билан шахсан ўзи гаплашган. Клубда Европа Иттифоқига аъзо бўлмаган мамлакат футболчилари учун ажратилган ўринлар тўлиб қолгани ушбу трансфернинг амалга ошишида асосий тўсиқ бўлган.
34 ёшли ҳимоячи Европада «Челси», «ПСЖ» ва «Арсенал» жамоаларидаги ўйинлари билан танилган. У, айниқса, «Челси»да муваффақиятли ўйнаган.
Маълумот учун: Луиз ўтган ҳафта охирида Бразилиянинг «Фламенго» клубига ўтган, томонлар келаси йилнинг сўнггига қадар шартнома имзолаган эди.
Эслатиб ўтамиз, бундан аввал Муҳаммад Салоҳ «Ливерпул» афсонаси Стивен Жеррард рекордини такрорлагани ҳақида хабар берган эдик.
Мақсаджон Обиджонов
