Dortmundning “Borussiya” klubi direktori Jeydon Sanchoning “Manchester Yunayted”dagi o‘rnini baholadi
“Borussiya Dortmund” direktorlar kengashi raisi Xans-Yoaxim Vatske “Manchester Yunayted” yarim himoyachisi Jeydon Sanchoning o‘rniga baho berdi:
“Men Jeydonni yaxshi ko‘raman. Hujumchi har bir o‘yinda bor mahoratini ko‘rsatishga harakat qiladi. Sanchoning “Manchester Yunayted” da juda kam o‘ynayotganini ko‘rib, ichim og‘riyapti. U Angliya terma jamoasining asosiy o‘yinchisi emasligi Manchesterdagi muammolaridan biri ekanligi bor gap”.
Sancho dastlab “Uotford” va “Manchester Siti”da, undan so‘ng faoliyatini 2017 yildan Dortmundning “Borussiya” klubida davom ettirgan. Yarim himoyachi o‘tgan mavsumda Germaniya Bundesligasining 26-uchrashuvida qatnashdi va 8 ta gol urdi va 11 ta golli uzatmani amalga oshirdi. “Manchester Yunayted" safida esa mavsum boshidan beri 7 ta o‘yin o‘tkazdi, ammo gol ura olmadi.
Avvalroq Iskoning “Lion”ga o‘tishi taxmin qilinayotgani va Goreska “Bavariya” bilan shartnomasini uzaytirmoqchi ekanligi haqida xabar berilgandi.
Jamshidbek Amirov
